Koronavırýs: BQO-da ınfektsııalyq statsıonarlar 54,5% tolǵan
ORAL. QazAqparat – Batys Qazaqstan oblysynda 591 tósek-orny bar 7 juqpaly aýrýlar statsıonary jumys istep tur. Qazir olarda koronavırýs juqtyrǵan 322 adam em qabyldaýda, dep habarlaıdy QazAqparat tilshisi.
BQO Densaýlyq saqtaý basqarmasynyń baspasóz qyzmetinen málim etkenindeı, qazirgi tańda ınfektsııalyq aýrýhanalar 54,5 paıyzǵa tolǵan.
Sondaı-aq 185 tósektik 4 karantındik statsıonarda 17 adam, jansaqtaý bóliminde 25 naýqas emdelýde.
Kúni búgin ınvazıvti emes jasandy tynys alý apparatyna 3, ottegi kontsentratoryna 9, ortalyqtandyrylǵan ottegi kózine 93 adam qosylǵan.
Oblysta sońǵy táýlikte 38, bir aptada 474 adamnan koronavırýs tabyldy.
Bıyl indet juqtyrǵan balalar sany 206-ǵa jetti. Al oqý jyly bastalǵan qyrkúıek aıynan beri óńirde barlyǵy 411 balanyń aýyrǵany anyqtaldy.
Eske sala keteıik, budan buryn Batys Qazaqstanda sońǵy tórt kúnde 250-den astam adamnyń koronavırýs juqtyrǵanyn jazǵan bolatynbyz.
