Koronavırýs: BQO-da aýrýhanaǵa aýyr halde túsken sábıdiń beti beri qarady
ORAL. QazAqparat – BQO juqpaly aýrýlar aýrýhanasynda 124 adam koronavırýstan emdelýde, dep habarlaıdy QazAqparat tilshisi.
Oblystyq densaýlyq saqtaý basqarmasy málim etkenindeı, sonyń 8-i – balalar. Olardyń bári de ortasha aýyr halde.
«Sonyń ishinde eki jasar balanyń beti beri qarady. Buryn ol jasandy tynys alý apparatyna qosylsa, qazir ózdiginen demalady. Tamaǵyn ishedi», dep habarlady basqarmanyń baspasóz qyzmeti.
Eske sala keteıik, budan buryn BQO-da koronavırýs juqtyrǵan eki jasar búldirshinniń jaǵdaıy óte aýyr ekendigin, Qarashyǵanaq kenishinde karantın alynǵanyn jazǵan bolatynbyz.
