Koronavırýs: BQO-da 89 adam baqylaýda, indet tirkelgen joq
ORAL. QazAqparat – Koronavırýsqa baılanysty Batys Qazaqstan oblysynda shet elderden kelgen 89 adam baqylaýda tur, dep habarlaıdy QazAqparat tilshisi.
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Muhamǵalı Aryspaevtyń aıtýynsha, koronavırýs óńirde tirkelgen joq.
Bul juqpaly derttiń taralýyna jol bermeý maqsatynda basqa elderden kelgenderge táýlik boıy monıtorıng júrgizilýde.
Koronavırýstyq ınfektsııa boıynsha qolaısyz elderden kelgen barlyq adamdar úsh sanatqa bólinedi.
Atap aıtqanda, 1-sanat «A» – Iran, Italııa. 1-sanat «B» – QHR, Germanııa, Ońtústik Koreıa, Frantsııa, Ispanııa.
2-sanat: Aýstrııa, Belgııa, Danııa, Katar, Norvegııa, Nıderlandy, BAÁ, Shvetsııa, Shveıtsarııa.
3-sanat: Ázerbaıjan, Ulybrıtanııa, Irak, AQSh, Lıýksembýrg, Slovenııa, Chehııa, Japonııa.
Óńirde koronavırýsqa zerthanalyq zertteý «Ulttyq saraptama ortalyǵy» BQO fılıalynda júrgiziledi.
Bas memlekettik sanıtarlyq dárigerdiń bıylǵy 12 naýryzdaǵy №20 qaýlysyna sáıkes oblysta 9 balalar oıyn-saýyq ortalyǵy jabyldy.
Batys Qazaqstannyń Reseıdiń bes oblysymen shektesetini belgili.
«Qazirgi tańda Orynbor, Samara, Saratov oblysymen shektesetin avtoótkelderde, sondaı-aq Jánibek, Bókeı ordasy aýdandarynda, «Shaǵan» ótkizý beketinde epıdemıologtar tekserýler men saýalnamalar júrgizýde. Kúdikti jaǵdaı bolsa, sol boıda tıisti sharalar alynady», dedi M.Aryspaev.
