Koronavırýs: BQO-da 1500-ge jýyq adam úı oqshaýlaýynda jatyr
ORAL. QazAqparat – Batys Qazaqstan oblysynda 1452 adam úı oqshaýlaýynda jatyr, dep habarlaıdy QazAqparat tilshisi.
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti málim etkenindeı, óńirde 413 adam em alyp jatsa, 319-y jazylyp shyqty.
Sondaı-aq 22 adam provızorlyq, 102 adam karantındik statsıonarda baqylanýda.
Oblysta sońǵy tirkelgen 40 adamnyń (ósim – 5,8 paıyz) 30-y – buryn koronavırýspen aýyrǵandarmen qarym-qatynasta bolǵandar. Al 5 adamnan profılaktıkalyq maqsatta synama alynǵan kezde anyqtaldy.
Koronavırýs juqtyrǵan 2 adam – Reseıde jumys isteıtin Aqtóbe jáne Batys Qazaqstan oblysynyń turǵyndary. Olar «Syrym» avtoótkelinen ótkennen keıin karantındik statsıonarǵa jatqyzylǵan.
Taǵy 3 adam – Teńiz ken ornynda vahtalyq ádispen jumys isteıtin oblys turǵyndary.
Naýqastarmen baılanysta bolǵandar medıtsınalyq baqylaýǵa alynyp, dezınfektsııalyq jumystar júrgizildi.
Osylaısha BQO-da aýyrǵandar sany 732-ge jetti.
Eske sala keteıik, budan buryn BQO-da koronavırýs juqtyrǵan eki jasar balanyń jaǵdaıy óte aýyr ekenin jazǵan bolatynbyz.
