Koronavırýs: Bir táýlikte Teńiz kenishindegi naýqastar 81 adamǵa kóbeıdi
ATYRAÝ. QazAqparat – «Qyzyl» aımaqtaǵy Atyraý oblysynyń Teńiz kenishinde bir táýlikte koronavırýs juqtyrǵan naýqastar 81 adamǵa kóbeıdi, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetinen málim etkendeı, ótken táýlikte koronavırýs ınfektsııasyna 101 adam shaldyqqan.
Onyń ishinde Teńiz kenishiniń 81 jumysshysy bar.
Atyraý qalasynda 13 naýqas tirkelip otyr.
Sondaı-aq, Jylyoı aýdanynda 4, Qurmanǵazyda – 2, Isataı aýdanynda 1 adam Sovid-19 juqtyrǵan.
Qaýipti vırýstyń sımptomdy túri 17 naýqastan anyqtalǵan.
«Ótken táýlikte koronavırýs ınfektsııasynan 58 adam emdelip shyqty. Qazir 320 adam úı jaǵdaıynda emdelýde. Oblystyq ınfektsııalyq statsıonarda 90, aýdandardaǵy statsıonarlarda 38, Teńiz kenishindegi statsıonarda 840 adam em qabyldap jatyr» dep habarlady basqarmanyń baspasóz qyzmeti.
Eske sala ketelik, buǵan deıin Atyraý oblysynda 111 adam koronavırýsqa shaldyqqan edi.
