Koronavırýs: Beıjińniń úsh aýdany men mańyndaǵy qalalarda áskerı jaǵdaı engizildi

BEIJІŃ. QazAqparat – 56 kún qatarynan koronavırýs ınfektsııasy bolmaǵannan keıin, Qytaı astanasy Beıjińde kenetten birneshe juqtyrýdyń jańa jaǵdaıy tirkeldi. Bul týraly QazAqparat chinanews.com saıtyna silteme jasap habarlaıdy.

Qytaıdyń Ulttyq densaýlyq saqtaý komıssııasynyń esebine sáıkes, búgingi kúni elde 49 jańa rastalǵan jaǵdaı tirkeldi, onyń ishinde 36-sy - Beıjińde.

Atap aıtar bolsaq, 11 maýsymnan beri 4 kún ishinde Beıjińde koronavırýs dıagnozy qoıylǵandar sany 79 adamǵa jetken.

Jańa jaǵdaılardyń basqa epıdemııalyq aımaqtarǵa taralý oqıǵasy joq, biraq olardyń barlyǵy Beıjińniń ońtústigindegi azyq-túlik satatyn kóterme saýda bazarynda bolǵan. Qytaılyq BAQ karantın qyzmetkerleri balyq kesetin taqtadan vırýs tapqanyn habarlady.

«Іndetke tap bolǵan Beıjiń koronavırýs ýshyqqan Fentaı, Mentýgoý, Dasın aýdandarynda áskerı jaǵdaı engiziletindigin jarııalady. Jergilikti úkimet barlyq balyq ónimderin bir tún ishinde alyp tastady jáne ár túrli sporttyq is-sharalardyń bolmaıtyndyǵyn málimdedi, keıbir mektepterdiń sabaqty qaıta bastaýy keıinge qaldyryldy jáne toptyq keshki asqa tyıym saldy», - delingen aqparatta.

Qytaılyq BAQ-tyń habarlaýynsha, Beıjińge jaqyn ornalasqan Hebeı provıntsııasynda da koronavırýs juqpasynyń úsh jańa jaǵdaıy tirkelgen. Olardyń barlyǵyna, sonymen qatar Beıjiń mańyndaǵy Hebeı provıntsııasyndaǵy Baodın qalasy da 15 maýsymnan bastap áskerı jaǵdaı engziletindigin málimdedi.