Koronavırýs belgileri ózgergen joq – elordanyń bas sanıtarlyq dárigeri

NUR-SULTAN. QazAqparat – Koronavırýs belgileri ózgergen joq. Bul týraly Nur-Sultan qalalyq sanıtarlyq-epıdemıologııalyq baqylaý departamentiniń basshysy Sarhat Beısenova aıtty, dep habarlaıdy QazAqparat tilshisi.

«Koronavırýs aǵymy ózgeriske ushyraǵan joq. Naýqastandarda jiti respıratorlyq vırýstyq ınfektsııalardaǵydaı belgiler bar. Aýrýǵa shaldyqqandardyń shamamen 70 paıyzy - ekpe alǵanyna uzaq ýaqyt bolǵan adamdar. Biraq, bul adamdar belgili bir sebeptermen qaıtadan vaktsına almaǵan. Árıne, bul ımmýndyq qorǵanystyń tómendeýine áser etip otyr», - dedi Sarhat Beısenova agenttik tilshisiniń saýalyna bergen jaýabynda.

Onyń atap ótýinshe, aýrýdyń órshıtindigi boljanǵan edi. Óıtkeni, jazǵy ýaqyt demalys maýsymy bolǵandyqtan adamdardyń bir-birimen aralasýy artady.

Buǵan deıin Sarhat Beısenova koronavırýstyń ósimine baılanysty elordaǵa kirip-shyǵýǵa tyıym engizý qarastyrylyp otyrmaǵanyn aıtqan habarlaǵan edik.