Koronavırýs: Belgııadaǵy Antverpende komendanttyq saǵat engizildi
BRıÝSSELЬ. QazAqparat – Belgııanyń Antverpen provıntsııasy seısenbi, 28 shildeden bastap koronavırýstyń taralýyna jl bermeý úshin komendanttyq saǵat engizip, turǵyndardy qashyqtan jumys isteýge mindettedi, komandalyq sport túrlerimen aınalysýǵa tyıym saldy, dep habarlaıdy QazAqparattyń menshikti tilshisi.
Endi túngi ýaqyt, saǵat 23:30-dan bastap tańǵy 6:00-ge deıin úıden tek oryndy sebeppen, mysaly, jumysqa nemese aýrýhanaǵa barý úshin ǵana shyǵýǵa ruqsat etilgen. Meıramhana, barlar men dámhanalar saǵat 23:00-ge deıin jabyq bolýy tıis. Qoǵamdyq oryndarda mindetti túrde maska taǵý kerek. Kontaktili jáne komandalyq sport túrlerimen aınalysýǵa tyıym salynǵan.
Qashyqtan jumys isteý mindetti, buǵan tek qashyqtan atqaryla almaıtyn jumys jatqyzylmaıdy. Bazarlarǵa qoıylatyn talaptar dúkendegideı: kelýshilerge munda 30 mınýttan kóp júrýge bolmaıdy.
Qosymsha sharalar Antverpen provıntsııasynyń eń kóp zardap shekken bólikterine qatysty qoldanylyp otyr. Bul erejeler tórt aptadan kem emes ýaqyt saqtalady.
Belgııada aýrýǵa shaldyǵýdyń jaǵa oqıǵalary kóbeıe túsken, Antverpen qalasy – onyń naǵyz oshaǵyna aınaldy. Sarapshylar bul jaǵdaı koronavırýs epıdemııasy ekinshi tolqynynyń bastamasy bolýy múmkin dep alańdaýda.
Avtory: Tımýr Dúısekeev
