Koronavırýs: Belgııada mektepter, dámhanalar men meıramhanalar jabyldy
BRıÝSSELЬ. QazAqparat – Belgııanyń premer-mınıstri Sofı Vılmes Ulttyq qaýipsizdik keńesiniń otyrysynan keıin COVID-19 koronavırýsymen kúres boıynsha jańa sharalar týraly jarııalady, dep habarlaıdy QazAqparat menshikti tilshisi.
Dúısenbiden bastap 3 sáýir – pasha meıramynyń basyna deıin mektepterde sabaq toqtatyldy.
Barlyq kóńil kóterý sharalaryn toqtatty. Meıramhanalar, dámhanalar men klýbtar jabyldy. Azyq-túlik dúkenderi men dárihanalardan basqalary apta boıy ashyq bolady, biraq demalys kúnderi jabylady. Barlyq azamatqa, múmkindiginshe, úıden shyqpaı jumys isteý usynylýda.
Qoǵamdyq kólik jumysyn jalǵastyrady, alaıda premer-mınıstr ony asa qajet bolǵan jaǵdaıda ǵana paıdalanýdy usyndy.
11 mıllıonnan astam adam turatyn Belgııada koronavırýstan úsh adam kóz jumdy. 369 adam COVID-19 vırýsyna test tapsyrdy. Test oń nátıje kórsetti.
