Koronavırýs: Belgııada qylmys 30% tómendedi
BRıÝSSELЬ. QazAqparat – Belgııada COVID-19 koronavırýs pandemııasyna baılanysty engizilgen sharalar qylmystyń edáýir tómendeýine yqpal etti, dep habarlaıdy QazAqparat menshikti tilshisi De Tijd gazetine silteme jasap.
«Qylmys aıtarlyqtaı az jasalynyp jatyr. Bizde ázirge naqty sandar joq, biraq 30 paıyzǵa qysqardy. Qylmystyń azaıyp jatqanyn kórip otyrmyz», - dep jazdy basylym polıtsııaǵa silteme jasap.
Sondaı-aq, urlyq jasaý, bos turǵan keńselerdi, jabyq dúkender men qurylys alańdaryn tonaý isi baıqalmady. Sýdıalar esirtki men kóshedegi buzaqylyqqa baılanysty qylmyskerlerdiń az ustalyp jatqanyn atap ótti.
Polıtsııa qylmys deńgeıiniń tómendeýine baılanysty qyzmetkerlerdi koronavırýsqa qarsy qabyldanǵan qatań sharalar aıasynda profılaktıkalyq is-áreketterdi júrgizýge baǵyttap jatyr.
Turǵyndar arasynda úkimettiń nusqaýlyǵyna moıynsunǵysy kelmeıtin adamdar áli de barshylyq.
