Koronavırýs: Belgııa shekarasynan ótý rejımi qatańdatyldy
Jyl sońynda koronavırýstyń taralýyn boldyrmaý úshin Belgııa shekarasynan ótý erejelerin qatańdatý týraly sheshim qabyldanǵan bolatyn. Endi Belgııaǵa kirgisi keletin sheteldik azamattar COVID-19 úshin teris nátıjeli test tapsyrýy kerek. Jumysqa baratyn adamdar úshin keıbir erekshelikter jasalady. 48 saǵattan astam ýaqyt boıy shetelde bolǵan Belgııanyń kez kelgen turǵyny «juqtyrý qaýpi joǵary adam retinde qarastyrylady jáne jeti kún ishinde karantınde bolýy kerek.
Budan bólek, jolaýshylardy izdeýdiń arnaıy nysanyn toltyrýdyń mindetti rásimi belgilenedi.
Belgııa Úkimeti joǵaryda atalǵan erejelerdi qatań tekserýge ýáde beredi.
«Búgingi tańda táýligine jańa ınfektsııa juqtyrǵandar sany segiz apta burynǵydan 10 esege az. Óıtkeni biz bárimiz belgilengen erejelerdi saqtadyq. Alaıda elde vırýs juqtyrǵandar sanynyń baıaýlaı bastaǵanyn kóremiz. Bul koronavırýstyń úshinshi tolqynynyń bastaýy bolýy múmkin jáne biz aldyn alýymyz kerek», - dedi Belgııa premer-mınıstri A. Kroo.
Aıta keteıik, Qazaqstanda da korornavırýstyń taralýyna jol bermeý maqsatynda shekaradan ótý kezinde tıisti talaptar eskerilgen. 2020 jylǵy 17 jeltoqsanda PTR-anyqtamasyz ushyp kelgen 3 qazaqstandyqtan COVID-19 anyqtalǵan bolatyn.
2020 jylǵy 18 jeltoqsanynda Qazaqstan Respýblıkasynyń aýmaǵyna Rýmynııa, Qytaı, Grýzııa, Mysyr, Túrkııa, BAÁ, RF, Belarýs Respýblıkasy, Tájikstan jáne Ózbekstannan 17 halyqaralyq áýe reısi keldi. 2 561 áýe jolaýshylarynyń ishinde PTR-testileýdiń teris nátıjesi bar anyqtamamen 2 351 adam, anyqtamasyz 210 QR azamattary keldi.
Onyń ishinde: Almaty qalasynyń áýejaıyna – 9 reıs, 1 641 jolaýshy, anyqtamamen – 1 513, anyqtamasyz - 128; Nur-Sultan qalasynyń áýejaıyna – 6 reıs, 789 jolaýshy, anyqtamamen - 707; anyqtamasyz - 82; Atyraý qalasynyń áýejaıyna – 1 reıs, barlyq 44 jolaýshy anyqtamamen keldi; Aqtaý qalasynyń áýejaıyna – 1 reıs, barlyq 47 jolaýshy anyqtamamen keldi.
Anyqtamasyz kelgen Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútip jatyr.
2020 jyldyń 17 jeltoqsanynda anyqtamasyz kelgen 378 QR azamattarynyń PTR-taldaýlarynyń nátıjeleri boıynsha Dýbaı – Nur-Sultan reısimen kelgen 3 jolaýshydan koronavırýstyq ınfektsııa anyqtaldy.
