Koronavırýs bedeýlikke ákep soǵatyny ras pa – maman jaýaby
NUR-SULTAN. QazAqparat – Qazaqstanda koronavırýs saldarynan bedeýlikke ushyraǵan jaǵdaı tirkelmegen. Bul týraly Ortalyq kommıkatsııalar qyzmetinde ótken brıfıngte aıtyldy, dep habarlaıdy QazAqparat tilshisi.
«Jalpy koronavırýs bedeýlikke alyp keletini týraly aqparat bar, biraq bizde ázirge ondaı naýqastar anyqtalǵan joq jáne tirkelgen joq», - deıdi «Ulttyq ǵylymı kardıohırýrgııa ortalyǵynyń» bólim meńgerýshisi Aınur Táýekelova.
Onyń aıtýynsha, koronavırýspen aýyrǵannan keıin ımmýnıtettiń tómendep ketýi, qant dıabeti, qalqansha beziniń zaqymdanýy, tynys joldary aýrýlary jáne baýyr men búırek aýrýlarynyń paıda bolýy jıi kezdesedi.
Eske sala ketsek, buǵan deıin koronavırýstyń aýyr ne jeńil túrde ótýi shtamdarǵa baılanysty emes ekendigi týraly jazdyq.
