Koronavırýs: Batys Qazaqstanda sońǵy tirkelgen 10 naýqastyń bári de Reseıden kelgen
ORAL. QazAqparat – Batys Qazaqstan oblysynda koronavırýs juqtyrǵan sońǵy 10 naýqastyń bári de Reseıden kelgen, dep habarlaıdy QazAqparat tilshisi.
BQO ákimdiginen túsken málimetke qaraǵanda, 10 adamnyń tórteýi – Túrkistan oblysynyń, tórteýi – Shymkent qalasynyń, bireýi – Almaty oblysynyń turǵyny.
Taǵy bireýi – Reseı Federatsııasynda oqıtyn, Oral qalasynda turatyn 18 jastaǵy stýdent qyz.
Olar Saratov oblysymen shektesetin «Tasqala» avtoótkelinen ótken kezde densaýlyqtaryna shaǵymy bolmaǵan. Algorıtmge sáıkes jedel járdem shaqyrylyp, karantındik statsıonarǵa jatqyzyldy.
Zertteý qorytyndysymen barlyǵynda COVID-19 dıagnozy rastalyp, oblystyq juqpaly aýrýlar aýrýhanasyna ornalastyryldy.
Naýqastarmen qarym-qatynasta bolǵandar anyqtalyp, medıtsınalyq baqylaýǵa alyndy.
Aýrý oshaqtarynda dezınfektsııalyq jumystar júrgizildi.
Іndetke qarsy kúres jalǵasýda.
Osylaısha BQO-da aýyrǵandar sany 174-ke jetip, sonyń 31-i saýyǵyp shyqty. Syrqattanǵandardyń basym kópshiligi – Reseıden kelgender.
Eske sala keteıik, budan buryn BQO-da birden 17 adamnyń jazylyp shyqqanyn jazǵan bolatynbyz.
