Koronavırýs: Batys Qazaqstanda ınfektsııalyq statsıonarda 4 naýqas qana qaldy

ORAL. QazAqparat – Batys Qazaqstan oblysynda 443 tósektik 11 ınfektsııalyq statsıonarda 4 naýqas qana qaldy, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, olardyń bári de Oral qalasyndaǵy aýrýhanalarda emdelýde.

Sonyń ishinde bireýi aýyr halde, jansaqtaý bólimshesinde ınvazıvti emes jasandy tynys alý apparatyna qosylǵan.

Jyl basynan beri 43 adam koronavırýstan kóz jumdy. Sońǵy aptada indetten qaıtys bolǵandar tirkelgen joq.

Basqarmadan túsken málimetke qaraǵanda, osy kezge deıin 274 245 adam vaktsınanyń birinshi komponentin saldyrdy, bul – egilýge jatatyn turǵyndardyń 66,1 paıyzy.

Sonyń 264 508-i (63,8 paıyzy) ekinshi komponentpen egildi.

Oblys boıynsha 70 898 adam revaktsınatsııadan ótti.

Pfizer kompanııasynyń vaktsınasyn 10 887 adam alsa, sonyń 416-sy – júkti, 4 821-i – bala emizetin áıelder, 5 639-y – jasóspirimder, 11-i – múgedekter, ekeýi – shetelge em alýǵa joldama alǵandar.

Eske sala keteıik, budan buryn Batys Qazaqstanda 70 myńǵa jýyq adamnyń revaktsınatsııadan ótkenin jazǵan bolatynbyz.