Koronavırýs: Batys Qazaqstanda 92 adam karantınde jatyr
ORAL. QazAqparat – Batys Qazaqstan oblysynda kúni búgin 92 adam karantınde jatyr, dep habarlaıdy QazAqparat tilshisi.
BQO taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Nurlybek Mustaevtyń brıfıngte málim etkenindeı, sonyń ishinde ekeýi oblystyq juqpaly aýrýlar aýrýhanasynda.
Sondaı-aq 45 adam «Kýmyskadaǵy», 9-y Báıterek aýdanyndaǵy provızorlyq gospıtalda, 36-sy «Ivýshka» karantındik statsıonarynda jatyr.
Oǵan qosa 614 adam úı karantıninde baqylanýda.
Keshe Batys Qazaqstan oblysynda eki áıeldiń koronavırýspen aýrýhanaǵa jatqyzylǵany málim. Qazir olar tıisti em qabyldaýda, jaǵdaılary qalypty.
«Koronavırýspen aýyrǵan eki adamnyń júrgen-turǵan jerleri anyqtaldy. Olarmen tikeleı qarym-qatynasta bolǵandar karantınge jatqyzyldy. Qalǵandary úıden baqylanýda. Sonymen qatar osy eki adam turǵan úılerge (bireýi Oralda, ekinshisi Aqsaıda) de shekteý qoıyldy. ıAǵnı ár páterden bir adam ǵana maska kıip, qaýipsizdik talaptaryn saqtap, dúkenge azyq-túlik alyp kelýge bara alady. Nemese úılerine tamaq aldyrta alady», dedi Nurlybek Mustaev.
Eske sala keteıik, budan buryn BQO-da koronavırýs juqtyrǵan áıeldiń bireýi Saratovtan, ekinshisi Atyraýdan kelgenin, jeke málimetterdiń taralýyna baılanysty qylmystyq istiń qozǵalǵanyn jazǵan bolatynbyz.
