Koronavırýs: Batys Qazaqstanda 3400-den astam adam ambýlatorııalyq em alyp jatyr
ORAL. QazAqparat - Batys Qazaqstan oblysynda koronavırýs juqtyrǵan 3419 naýqas ambýlatorııalyq em alyp jatyr, dep habarlaıdy QazAqparat tilshisi.
BQO densaýlyq saqtaý basqarmasy basshysynyń orynbasary Gúlnár Ábdirahmanovanyń óńirlik kommýnıkatsııalar qyzmeti alańynda ótken brıfıngte málim etkenindeı, sonyń 1962-si nemese 57,3 paıyzy Oral qalasynyń úlesine tıedi.
Onyń sózine qaraǵanda, 2506 adamnyń (73,2 paıyzy) aýrýy jeńil ótýde. 127-si (3,7 paıyzy) ortasha, 786-sy (23 paıyzy) - sımptomy joqtar.
Qazirgi kezde oblysta 134 mobıldi brıgada jumys jasaýda, sonyń 66-sy qalada, 68-i aýdandarda.
Sońǵy on kúnde 11 520 shaqyrtý bolsa, sonyń 6150-i (53,4 paıyzy) KVI, 5370-i (46,6 paıyzy) JRVI belgileri boıynsha.
«Kúni búgin 14 ınfektsııalyq statsıonarda 394 naýqas em qabyldaýda. Al jansaqtaý bóliminde jatqan 21 naýqastyń 19-y aýyr, ekeýi asa aýyr halde», dedi G.Ábdirahmanova.
Eske sala keteıik, budan buryn BQO-da 45 myńnan astam adamnyń revaktsınatsııadan ótkenin jazǵan bolatynbyz.
