Koronavırýs: Batys Qazaqstanda 16 adam jansaqtaý bóliminde jatyr
ORAL. QazAqparat - Batys Qazaqstan oblysynda koronavırýspen aýyrǵan 16 adam jansaqtaý bóliminde jatyr, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmeti málim etkenindeı, óńirde indetke shaldyqqandar sany 8564-ke jetip, sonyń 7591-i jazylyp shyqty.
Ókinishke qaraı, 144 adam kóz jumdy.
Sońǵy táýlikte 41, bir aptada 260 adamnyń syrqattanǵany tirkeldi.
Pnevmonııaǵa shaldyqqan 133 adam statsıonarda jatsa, 50-i ambýlatorlyq em alýda.
Pnevmonııadan barlyǵy 239 adam qaıtty.
Tórt adam ókpeni jasandy jeldetý apparatyna, taǵy altaýy ottegi kontsentratoryna qosylǵan.
Qazirgi kezde juqpaly aýrýlar aýrýhanalarynda 141, karantındik statsıonarlarda 48 adam em alýda.
Oblysta qyrkúıek aıynan beri 161 bala koronavırýs juqtyrǵan. Sonyń ishinde qyrkúıek aıynda - 4, qazanda - 5, qarashada - 102, jeltoqsanda 37 bala aýyrdy. Sondaı-aq qarashada 12, jeltoqsanda 1 balabaqsha tárbıelenýshisi syrqattandy.
Jeltoqsan aıynda Reseımen shektesetin memlekettik shekaradan 52459 adam ótti. Sonyń ishinde anyqtamasy joq 1651 adamnyń 29-ynan KVI tabyldy.
Eske sala keteıik, budan buryn BQO-da 29 baladan KVI anyqtalǵanyn jazǵan bolatynbyz.
