Koronavırýs balalardyń júıke júıesin zaqymdaýy múmkin
«Nur-Sultan qalasy boıynsha qazir úshinshi aýrýhanada 52 bala jáne modýldik ortalyqta 14 bala statsıonarlyq em alyp jatyr. Bul - negizinen bes jasqa deıingi balalar, odan bólek, 12-16 jastaǵylar da bar. ıAǵnı, bul vaktsınalaýǵa jatpaıtyn sanattaǵy balalar», - dedi Sáýle Atyǵaeva ortalyq kommýnıkatsııalar qyzmetindegi baspasóz máslıhatynda.
Sonymen birge, spıker koronavırýstyń balalarda qalaı ótetinin sıpattap berdi.
«Balalarda ish ótý, qusý, júıke júıesiniń zaqymdanýy sııaqty belgiler bolýy múmkin. Árıne, júıke júıesine zaqym kelse aýrý qıyn ótedi. Búginde Nur-Sultan qalasy boıynsha 68 bala KVI-men aýyryp jatyr», - dep atap ótti Sáýle Atyǵaeva.
Buǵan deıin Qazaqstanda koronavırýs aýrýy 3,2 ese óskeni habarlanǵan bolatyn. Sońǵy aptada, aldyńǵy aptamen salystyrǵanda, aýrý 2558-den 8156 jaǵdaıǵa deıin ósken.
Nur-Sultan qalasy 21 shildeden bastap «sary» aımaqta, qalǵan óńirler «jasyl» aımaqta.
