Koronavırýs balalardan eresekterge kóp juǵa bermeıdi – Almaz Sharman
ALMATY. QazAqparat – Almaty óńirlik kommýnıkatsııalar qyzmeti uıymdastyrǵan onlaın suhbat barysynda Qazaqstan profılaktıkalyq medıtsına akademııasynyń prezıdenti Almaz Sharman balalar arasynda KVI erekshelikteri týraly aıtty, dep habarlaıdy QazAqparat tilshisi.
«5-12 jas aralyǵyndaǵy balalar ózderi de sırek aýyrady ári eresek adamdarǵa sırek juqtyrady. Oǵan birneshe sebep bar. Stenford ýnıversıtetindegi belgili pedıatr áriptesim birneshe sebebin atady. Onyń biri – kross-reaktsııa. Balalar ádette jıi sýyq tıip aýyrady. Buǵan koronavırýs ınfektsııasynyń basqa túri qozdyrǵysh bolýy yqtımal. Sondyqtan bul balalardyń ımmýndyq qorǵanyshynyń paıda bolýyna ákeledi. Sondyqtan, eresekterge qaraǵanda olar neǵurlym jaqsyraq qorǵanǵan. Alaıda, bul balalar múlde aýyrmaıdy degen sóz emes. Sondyqtan, maska taǵý, qaýipsizdikti saqtaý birinshi kezekte qolǵa alynýy kerek», - dedi spıker.
Buǵan deıin sarapshy tumaýdan vaktsınatsııanyń koronavırýsty 20 paıyzǵa jeńildetetin aıtqan bolatyn.
