Koronavırýs BAQ-tyń transformatsııasyn jedeldetip jiberdi – UNA halyqaralyq bóliminiń dırektory
NUR-SULTAN. QazAqparat – Koronavırýs BAQ-tyń transformatsııasyn jedeldetip jiberdi. Astana Media Week 2020 sharasynyń «Mýltıplatformalylyq» plenarlyq sessııasynda UNA halyqaralyq bóliminiń dırektory Hazem Abdý osyndaı pikir bildirdi, dep habarlaıdy QazAqparat tilshisi.
«Koronavırýs buqaralyq aqparat quraldarynyń transformatsııasyn jedeldetip jiberdi. Dál búgin azamattar úshin buqaralyq aqparat quraldary kerek pe degen suraqqa jaýap berýimiz kerek. Jaýap, árıne, ıá kerek! Aqparatsyz eshkim de ómir súre almaıdy», - dedi Hazem Abdý.
Áıtse de onyń aıtýynsha, qazirgi jaǵdaıda buqaralyq aqparat quraldary óz jumysynda jańa, zamanǵa saı quraldardy paıdalana bilýi tıis. Ol úshin jańa arnalar, jańa formattar men quraldar kerek.
Spıker sonymen birge jalǵan aqparattar týraly sóz qozǵaı kele osynaý úrdistiń órshýiniń bir mysaly pandemııa ýaqytynda erekshe baıqalǵanyn jetkizdi. Hazem Abdýyń aıtýynsha, álemniń keıbir memleketterinde ásirese áleýmettik jelilerde jalǵan aqparat óte kóp tarap ketken.
«Eger osy úrdis údemegende indetten kóz jumǵandardyń da sany edáýir az bolar edi. Bul rette dástúrli aqparat quraldary tsıfrlyq quraldarǵa ilese almaı kele jatqanyn naqty fakt retinde qabyldaı bilý kerek», - dedi ol.
Spıker sóz sońynda BAQ-ty ary qaraı qalaı damytý kerek degen másele boıynsha áli de oılaný kerektigin aıtty.
