Koronavırýs: Baǵdat Qojahmetov shetelmen aradaǵy shekteý sharalaryna túsinik berdi
NUR-SULTAN. QazAqparat – QR Densaýlyq saqtaý mınıstrliginiń resım ókili Baǵdat Qojahmetov koronavırýstyń taralýyna tosqaýyl qoıý maqsatynda kórshiles eldermen aradaǵy shekteý sharalaryna qatysty túsinik berdi, dep habarlaıdy QazAqparat tilshisi.
Ortalyq kommýnıkatsııalar qyzmetindegi baspasóz máslıhatynda birqatar elde koronavırýs ınfektsııasynyń taralýy qaıtadan órship kele jatqanyna baılanysty Qazaqstannyń shetelmen aradaǵy shekarasynyń jabylýy múmkindigi týraly suraq qoıyldy.
«Keshegi baspasóz máslıhatynda Densaýlyq saqtaý mınıstri osy máselege mán berip, Qazaqstannyń shekaralas memleketterindegi bolyp jatqan jaǵdaı týraly málimet berdi. Biz sol aqparatty kúndelikti zerttep otyramyz. Bul turǵyda Qazaqstannyń koronavırýstyń jańa tolqynyna tosqaýyl qoıý úshin jasaıtyn is-qımyldardyń nátıjesi mańyzdy. Sondyqtan Úkimet tarapynan Qazaqstannyń (shekara arqyly qozǵalys) shekteý jumystaryn ótkizýi ábden múmkin. Ol endi kórshiles memleketterdegi epıdemıologııalyq jaǵdaılarǵa baılanysty», - dedi B. Qojahmetov.
Budan buryn habarlanǵandaı, Densaýlyq saqtaý mınıstri Alekseı Tsoı Eýropa men Azııanyń birqatar elinde koronavırýstyń taǵy órship ketkenin málim etti.
