Koronavırýs aıaǵy aýyr áıelden balasyna juǵa ma

NUR-SULTAN. QazAqparat – Elimizde kardıohırýrgııalyq ortalyq, neırohırýrgııalyq ortalyq, perzenthanalar kúndelikti jumystaryn istep jatyr. Bul týraly eldegi koronavırýs ınfektsııasy boıynsha aǵymdaǵy jaǵdaı jaıly onlaın brıfıngte aıtyldy, dep habarlaıdy QazAqparat tilshisi.

«Elimizde mundaı jaǵdaı ázirge tirkelgen joq. Aıaǵy aýyr áıelderge koronavırýsqa qatysty naqty usynymdar joq. Bizde vırýs juqtyryp alǵan balalar bar. Ókinishke qaraı, vırýstyq ınfektsııa balalardy aınalyp ótpeıdi. Ázirge buǵan baılanysty qıyndyqtar joq. Biz kez kelgen sanattaǵy naýqastarǵa kómektesýge daıynbyz», - deıdi QR Densaýlyq saqtaý mınıstri Eljan Birtanov.

Onyń aıtýynsha, qazirgi ýaqytta Nur-Sultan, Almaty qalalaryndaǵy perzenthanalar ádettegideı jumys isteýde.

«Kardıohırýrgııalyq ortalyq, neırohırýrgııalyq ortalyq, perzenthanalar kúndelikti jumysyn istep jatyr. Qajet bolǵan jaǵdaıda jedel járdem shaqyryp, nemese ózderińiz baryp, perzenthanada bosanýǵa múmkindikterińiz ba», - deıdi ol.