Koronavırýs: Avstrııada úshinshi ret lokdaýn engiziledi
LONDON. QazAqparat – Avstrııa kýrorttaryn ashty. 24 jeltoqsan kúni bir kúnge 400-den astam taý shańǵysy bazalary ashyldy. Eki kúnnen keıin elde úshinshi lokdaýn bastalady, dep habarlaıdy QazAqparat VSS agenttigine silteme jasap.
Úkimet jeltoqsan aıynyń basynda kýrorttardy bir kúnge ashý týraly sheshim qabyldaǵan bolatyn jáne jańa shekteýler engizilgennen keıin de odan bas tartpady. Bılik muny adamdardyń ashyq aspan astynda shańǵymen syrǵanaıtyndyǵymen túsindirdi. Eger qajetti saqtyq sharalary saqtalsa, juqtyrý qaýpi bolmaıdy.
Qonaqúıler, barlar men meıramhanalar jabyq. Lokdaýn kezinde kóptegen dúkender men qyzmet kórsetý salasy da jabylady.
«Bul – alǵashqy qadam jáne biz ınfektsııa deńgeıi tómendegen kezde olardy tolyqtaı ashamyz dep úmittenemiz», – dedi kýrort týrızminiń basshysy Ishgl Andreas Shtaıbl Frans-Presske bergen suhbatynda.
Naýryz aıynda bul kýrortta myńdaǵan sheteldik týrıster koronavırýs juqtyrǵan bolatyn.
