Koronavırýs: Avstralııada soǵys ardageri vaktsına aldy, Germanııa elge eshkimdi kirgizbeı otyr
Avstralııa turǵyndaryna COVID-19 qarsy vaktsına egýdi bastamaq.
Birinshi vaktsına Ekinshi dúnıejúzi soǵysynyń ardagerine jasaldy.
Keń aýqymdy vaktsınatsııa naýqany 22 aqpanda bastalady.
25 mıllıon halqy bar memlekette koronavırýsty shamamen 29 myń adam juqtyrǵan.
Onyń 900-den astamy qaıtys bolǵan, 26 myńnan astamy saýyǵyp shyqqan.
Ulybrıtanııa premer-mınıstri Borıs Djonson eldiń barlyq eresek turǵyndaryna shilde aıynyń aıaǵyna deıin COVID-19-qa qarsy vaktsına jasatý usynylatynyn málimdedi.
Úkimettiń vaktsınatsııany jedeldetý josparyna sáıkes mundaı usynys 15 sáýirge deıin 50 jastan asqan barlyq adamǵa jetedi dep boljanyp otyr.
Elde vaktsınatsııa naýqany 2020 jyldyń 8 jeltoqsanynda bastalǵan.
17,24 mıllıon turǵyn vaktsınanyń alǵashqy dozasyn alsa, 605 myńǵa jýyq adam vaktsınanyń ekinshi dozasyn alǵan.
Nemis shekarashylary 15 aqpannan bastap, ıaǵnı eldiń shekara beketterinde qatań baqylaý ornatylǵan ýaqyttan bastap 4 522 adamdy Germanııaǵa kirgizbegen.
Basty sebep - kelýshilerdiń qolynda koronavırýstyń teris nátıjesi kórsetilgen PTR anyqtamasy joqtyǵynda.
Iran Irakpen shekaradaǵy ótkizý pýnktilerin Ulybrıtanııada tabylǵan koronavırýs nusqasynyń taralýyna jol bermeý maqsatynda jaýyp tastaǵan.
Tegeran atalǵan mýtatsııa kórshi memleketten kelgen dep esepteıdi.
Irlandııa premer-mınıstri Mıkol Martın elde qonaqúıler men gastronomııa salasyndaǵy kásiporyndardyń jumysy jazǵa deıin ashylmaıtynyn málimdedi.
Barlar, meıramhanalar, kafeler men qonaqúıler sońǵy 12 aıdyń kóp bóliginde jumys istemegen.
5 mıllıon turǵyny bar Irlandııada COVID-19 214 myńnan astam adamnan tabylǵan, 4 135 adam qaıtys bolǵan.
Shvetsııada COVID-19-dyń brazılııalyq nusqasyn juqtyrý jaǵdaılary anyqtalǵan.
El bıliginiń habarlaýynsha, COVID-19-dyń atalǵan mýtatsııasy tórt adamda tirkelgen.
Juqtyrǵandardyń eshqaısy jaqyn arada Brazılııaǵa barmaǵan. Bılik juqtyrý tizbegin anyqtap jatyr.
Buǵan deıin Shvetsııada Ulybrıtanııa men Ońtústik Afrıkadan tabylǵan COVID-19-dyń mýtatsııasyn juqtyrý jaǵdaılary tirkelgen bolatyn.
