Koronavırýs: Aýstralııa ǵalymdary eki vaktsınany synaqtan ótkizip jatyr
SIDNEI. QazAqparat - Aýstralııa ǵalymdary koronavırýsqa qarsy eki vaktsınany testileýdi bastady, dep habarlaıdy QazAqparat VVS agenttigine silteme jasap.
Dúnıejúzilik densaýlyq saqtaý uıymy Oksford ýnıversıteti men amerıkalyq Inovio Pharmaceutical kompanııasy shyǵarǵan vaktsınany janýarlarǵa testileýge ruqsat berdi. Al Aýtralııanyń ulttyq ǵylym agenttigi vaktsınany baǵalap, adamǵa qaýipsizdigin anyqtaıtyn bolady.
«Ótken aıda AQSh-ta vaktsına adamǵa synalǵan edi. Ol kezde janýarlarǵa testileý satysy keıinge qaldyrylǵan bolatyn. Búgingi tańda búkil álemde basqa da vaktsınalar jasalyp jatyr», - dep jazady avtor. Maqalada aıtylǵandaı, Aýstralııadaǵy synaqtan ótkizilip jatqan vaktsına janýarlarǵa testileý modelin de qamtyǵan alǵashqy keshendi zertteý bolady.
«Negizinen, vaktsınanyń tolyq daıyn bolýy úshin 1 jyldan eki jylǵa deıin ýaqyt ketedi. Biraq biz bul ýaqytty birneshe aıǵa qysqarttyq», - deıdi ǵalymdar. Olardyń aıtýynsha, janýarlarǵa jasalǵan testileýdiń nátıjeleri maýsym aıynda belgili bolady.
