Koronavırýs aýrýhanasy bolǵan Halyk Arena sportpen aınalysý úshin qaıta ashylady

ALMATY. QazAqparat - Almatydaǵy Halyk Arena sportpen aınalysý úshin qaıta ashylady. Bul týraly megapolıs ákimi Baqytjan Saǵyntaev «Almaty» telearnasyndaǵy tikeleı efıri barysynda aıtty, dep habarlaıdy QazAqparat tilshisi.

«KVI dertin táýliktik tirkeý sanynyń azaıýyna baılanysty úshinshi eshelonnyń ınfektsııalyq statsıonarlaryndaǵy tósek-oryn qysqartylyp jatyr. Sonyń ishinde Halyk Arena sport keshenindegi kovıd gospıtaliniń jumysy toqtatylady. Kelesi aıda ony negizgi profıl boıynsha burynǵy jumys rejımine qaıtarý josparlanyp otyr»,-dedi Almaty ákimi.

Sonymen qatar, Baqytjan Saǵyntaev qaladaǵy sanıtarlyq-epıdemıologııalyq ahýalǵa toqtaldy.

«9 qarasha kúni Almatyda 134 adamnan koronavırýs anyqtaldy. Onyń 130-y sımptomdy, 8-i - anyqtalmaǵan pnevmonııa. Táýliktik ósim – 0,7%. Reprodýktıvti sany - 0,88»,-dedi ol.

Baqytjan Saǵyntaev qala turǵyndaryn koronavırýsqa qarsy ekpe alýǵa shaqyrdy.

Jaqynda revaktsınatsııa bastalatynyna qaramastan, keıbir qala turǵyndary vaktsınanyń alǵashqy komponentin áli alǵan joq.

Qala ákiminiń aıtýynsha, almatylyqtar ózderin jáne jaqyndaryn qorǵaý úshin jaýapkershilik tanytyp, vaktsına alǵany jón.