Koronavırýs: aýrýdy juqtyrmaý úshin ne isteý kerek
«Koronavırýstyń jańa túrin juqtyrmaý úshin eń aldymen ımmýnıtetti kóterý kerek. Sebebi bul vırýs aýa tamshylary arqyly adamnan adamǵa juǵady jáne ımmýnıteti tómen adamdardyń, júkti áıelderdiń jáne qarttardyń juqtyrý qaýpi joǵary. Ásirese, S dárýmenderi bar apelsın, kıvı, ıtmuryndy kóbirek tutynyp, teńiz ónimderin as mázirinen shekteı turǵan jón», - deıdi dáriger.
Onyń aıtýynsha, aýrýdyń eń alǵashqy belgileri – dene qyzýy, jótel, álsizdik jáne demigý.
«Eń aldymen jeke bas gıgıenasyn saqtap, qoldy jıi jýyp turý kerek. Bólmeni jıi jeldetip, túshkirgende qol oramal qoldanǵan jón. Aýrý sımptomdary baıqalǵan jaǵdaıda medıtsınalyq maskany paıdalanyp, adam kóp jınalǵan oryndarǵa barmańyz. Medıtsınalyq maskany tek qana jabyq bólmede ǵana taǵý qajet, árbir 2-3 saǵat saıyn aýystyryp otyrý kerek. Shetelderge sapardy da keıinge qaldyrǵan jón», - dedi B. Berdıeva.
Aıta keteıik, 2019 jyly beleń alǵan koronavırýs (COVID-19) alǵash ret Qytaıdyń Ýhan qalasynda anyqtaldy. Bul ınfektsııany juqtyrǵandar koronavırýstyq pnevmonııaǵa shaldyǵady.
Densaýlyq saqtaý mınıstri Eljan Birtanovtyń aıtýynsha, qazirgi tańda Qazaqstanda 992 adam karantınde (5 naýryzda Ońtústik Koreıadan kelgen 100 adammen qosqanda 1092 adam) jatyr. Onyń ishinde oqshaýlanǵandar da, úı jaǵdaıynda karantınde jatqandar da bar. 2 jáne 3 sanattar boıynsha, ıaǵnı turǵylyqty mekenjaı turǵysynan 7515 adam, jalpy 8 myńǵa tarta adam Densaýlyq saqtaý mınıstrliginiń baqylaýyna alynǵan.
Іndet týraly sońǵy jańalyqtardy QazAqparat HAA arnaıy aıdary arqyly oqýǵa bolady.