Koronavırýs: Atyraýdaǵy jansaqtaý bólimindegi júkteme 80 paıyzdan asty

ATYRAÝ. QazAqparat – Atyraýda ınfektsııalyq statsıonarlardyń jansaqtaý bólimindegi júkteme 80 paıyzdan asty, dep habarlaıdy QazAqparat.

Oblystyq densaýlyq saqtaý basqarmasy baspasóz qyzmetinen málim etkendeı, ınfektsııalyq statsıonarlarda koronavırýs ınfektsııasyn juqtyrǵan 1 676 naýqas oqshaýlanǵan.

«Qazir 3 012 tósek-orny bar statsıonarlardaǵy júkteme 55,6%-dy quraıdy. Al, 114 tósek-orynǵa arnalǵan jansaqtaý bóliminde jaǵdaıy aýyr 95 naýqas emdelip jatyr. Onyń ishinde 12 patsıent ókpeni jasandy jeldetý apparatyna qosylǵan. Bul bólimdegi júkteme 83,3%-ǵa jetti» -dep habarlady basqarmanyń baspasóz qyzmeti.

Eske sala ketelik, buǵan deıin Atyraýda jansaqtaý bóliminde jatqan naýqastar sany kóbeıgenin jazǵan bolatynbyz.