Koronavırýs: Atyraýda vahtalyq ádispen jumys isteıtin iri kásiporyndar oqshaýlaý oryndaryn daıyndady

ATYRAÝ. QazAqparat –Atyraý oblysynyń ákimi Mahambet Dosmuhambetov koronavırýs ınfektsııasynyń taraý qaýpiniń aldyn alý jáne sanıtarlyq – epıdemıologııalyq sharalardy kúsheıtý maqsatynda májilis ótkizdi, dep habarlaıdy QazAqparat.

Májiliske jaýapty organ jetekshileri men «Teńizshevroıl» JShS, «Embimunaıgaz» AQ, «Nort Kaspıan Opereıtıng Kompanı N.V.» kompanııasy, «Ulttyq ındýstrııalyq munaı-hımııa tehnoparki» arnaıy ekonomıkalyq aımaǵynyń basqarýshy kompanııasy» AQ syndy iri kásiporyndar jáne olardyń merdiger kompanııalarynyń basshylary men jaýapty mamandary qatysty.

Oblys kóleminde qaýipsizdikke qatysty jasalǵan jumystar jóninde oblystyq densaýlyq saqtaý basqarmasynyń basshysy Baıtolla Ǵazızov baıandady.

Al iri kásiporyn ókilderi óńirde atalǵan qaýiptiń aldyn alý úshin birlesip áreket etýge múddeli ekenderin atap ótti. Vahtalyq ádispen myńdaǵan adam jumys isteıtin iri kásiporyndar arnaıy oqshaýlaý oryndaryn daıyndap, medıtsınalyq mamandardyń qyraǵylyǵyn arttyrǵan.

Іri kásiporyn jetekshileri oblystyq densaýlyq saqtaý basqarmasymen qoıan-qoltyq jumys isteýdi kúsheıtedi.
Oblys ákimi Mahambet Dosmuhambetov tıisti sala basshylaryna qaýipsizdik sharalaryn kúsheıtýge baılanysty birqatar tapsyrma berdi.