Koronavırýs: Atyraýda naýqastardyń jaǵdaıyn Call-ortalyqtan bilýge bolady
ATYRAÝ. QazAqparat – Atyraýda koronavırýs ınfektsııasyn juqtyrǵan naýqastardyń jaǵdaıyn Call-ortalyqtan bilýge bolady, dep habarlaıdy QazAqparat.
Atyraý oblystyq densaýlyq saqtaý basqarmasynyń baspasóz qyzmetinen málim etkendeı, modýldik aýrýhanada, sondaı-aq, №2 oblystyq aýrýhanada emdelip jatqan naýqastardyń týystaryna arnalǵan «jedel jeli» iske qosylǵan.
«Sall-ortalyq kún saıyn saǵat 09:00-den 20:00-ge deıin jumys isteıdi. Aýrýhanalarda jatqan naýqastardyń týystary men jaqyndarynyń telefon qońyraýyna aýysym saıyn úsh kezekshi dáriger jaýap beredi. Patsıenttiń densaýlyq jaǵdaıy týraly aqparat aýrýhanaǵa túsken kezde kórsetken bir týysyna beriletin bolady. «Jedel jeliniń» nómiri +7 778 048 94 07», -dep habarlady basqarmanyń baspasóz qyzmetinen.
Eske sala ketelik, buǵan deıin Atyraýda koronavırýs juqtyrǵan 33 naýqas jansaqtaý bóliminde jatqanyn jazǵan bolatynbyz.
