Koronavırýs: Atyraýda naýqastardyń kóbeıýine baılanysty rezervtik statsıonarlar ashyldy
ATYRAÝ. QazAqparat – Atyraý oblysynda koronavırýs indetine shaldyqqan naýqastardyń kóbeıýine baılanysty rezervtik statsıonarlar ashyldy, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń málimetinshe, rezervtik statsıonardyń biri ftızıopýlmanologııalyq ortalyqta ashylyp otyr. Munda
koronavırýs ınfektsııasyna shaldyqqan naýqastardy emdeý úshin 75 tósek-oryn daıyndalǵan.
«Óńirdegi ınfektsııalyq statsıonarlarda 2 068 tósek-oryn bar. Qazir statsıonarlardaǵy júkteme 28,2% quraıdy. Infektsııalyq statsıonarlarda 18 sáýirdegi málimetke sáıkes, koronavırýs juqtyrǵan 584 naýqas emdelip jatyr. Onyń ishinde modýldik aýrýhanada –181, oblystyq aýrýhananyń ınfektsııalyq statsıonarynda – 101, aýdandyq ınfektsııalyq statsıonarlarda – 130, Teńiz ken ornyndaǵy ınfektsııalyq statsıonarda – 147, ftızıopýlmalogııalyq ortalyqta 25 naýqas em alý úshin oqshaýlandy. Al, úı jaǵdaıynda 1 068 adam em alýda» -dep habarlady basqarmanyń baspasóz qyzmetinen.
Belgili bolǵandaı, jansaqtaý bóliminde 27 naýqas jatyr. Olardyń 5-eýi ókpeni jasandy jeldetý apparatyna qosylǵan.
