Koronavırýs: Atyraýda ınfektsııalyq statsıonarlarda 59 naýqas emdelip jatyr
ATYRAÝ. QazAqparat – Atyraý oblysyndaǵy ınfektsııalyq statsıonarlarda 59 naýqas emdelip jatyr, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń málimetine qaraǵanda, 38 naýqasqa qaýipti indet dıagnozy qoıylǵan.
Al 21 naýqas koronavırýsty pnevmonııadan em qabyldap jatyr.
«Atyraý qalasyndaǵy №2 oblystyq juqpaly aýrýlar aýrýhanasynyń ınfektsııa statsıonarynda qaýipti indet juqtyrǵan 26 naýqas em alýda. Onyń úsheýi aýrýhananyń jansaqtaý bóliminde jatyr. Olardyń jas erekshelikteri - 40-65 jas. Sondaı-aq, Jylyoı aýdanyndaǵy Teńiz kenishinde ashylǵan aýrýhananyń ınfektsııalyq statsıonarda 33 naýqas em qabyldaýda. Al aýdandardaǵy ınfektsııalyq statsıonarda emdelip jatqan naýqastar joq» dep habarlady basqarmanyń baspasóz qyzmeti.
Eske sala ketelik, buǵan deıin Atyraý oblysynda koronavırýs juqtyrǵan 10 adam anyqtalǵan bolatyn.
