Koronavırýs: Atyraýda eki aı jansaqtaý bóliminde jatqan naýqas emdelip shyqty
Oblystyq densaýlyq saqtaý basqarmasy baspasóz qyzmetiniń málimetine súıensek, Marjan Tileýlıeva úsh aı buryn №2 oblystyq aýrýhananyń ınfektsııalyq statsıonaryna túsken. Keıin 2 aı 10 kún jansaqtaý bóliminde jatqan.
«Jansaqtaý bólimine túsken kezde naýqastyń jaǵdaıy aýyr dárejede dep baǵalandy.
Tynysy tarylyp, demikpesi kúsheıip ketti. Sol sebepten, ony alǵashqy kúnnen ottegi apparatyna qostyq. Oǵan 2 aı boıy tıisti em-domyn jasap, nátıjesinde jansaqtaý bóliminen palataǵa aýystyrdyq. Búgin aýrýhanadan shyqty», -deıdi rezıdent-reanımatolog Darhan Jaqsylyq.
Koronavırýs ınfektsııasynan saýyqqan Marjan Tileýlıeva turǵyndardy saqtyq sharalaryn qatań saqtaýǵa shaqyryp otyr.
«Aýrýhanaǵa 18 shildede aýyr halde tústim. Dem jetpeı, basym aınaldy. Jansaqtaý bóliminde 2 aıdan asa emdeldim. Dárigerlerdiń emdeý sharasyn sátti júrgizýiniń nátıjesinde bir ólimnen aman qaldym. Qazir jaǵdaıym jaqsardy», - deıdi Marjan Tileýlıeva.
Eske sala ketelik, budan buryn Atyraýda 2 jasar bala koronavırýstan jazylyp ketkenin
jazǵan edik.