Koronavırýs: Atyraýda dári-dármek baǵasyn tómendetý týraly memorandýmǵa qol qoıyldy
QR Básekelestikti qorǵaý jáne damytý agenttiginiń Atyraý oblysy boıynsha departamenti men dárihanalar jelisi bar «Semeınoe zdorove» jáne «Acme contract services» jaýapkershiligi shekteýli seriktestikteri arasynda dári-dármekterdiń qunyn tómendetýge arnalǵan memorandýmǵa qol qoıyldy.
«Memleket basshysy Qazaqstannyń barlyq aýmaǵynda antıtsıdti preparattardyń, PTR-testilerdiń jáne medıtsınalyq maskalardyń qunyn tómendetý úshin erejeler ázirleýdi tapsyrdy. Qazirdiń ózinde COVID-19 ınfektsııasyn emdeý kezinde qoldanylatyn keıbir dári-dármekterdiń baǵasyn 20 paıyzǵa tómendetý maqsatynda sharalar qabyldandy. Dári-dármekterdiń baǵasyn tómendetý úshin otbasylyq jáne áleýmettik dárihanalar jelisimen jumys júrgizdik. Bul baǵyttaǵy jumystar jalǵasatyn bolady» -dedi óńirlik departament dırektory Dııas Jánibekov.
Eske sala ketelik, budan buryn Atyraýda jylyna 30 mln medıtsınalyq maska shyǵaratyn óndiris iske qosylǵanyn habarlaǵan edik.
