Koronavırýs: Atyraýda byltyrǵy naýryzdan beri 643 myń PTR-test júrgizildi
ATYRAÝ. QazAqparat – Atyraýda byltyrǵy naýryzdan beri koronavırýs ınfektsııasyna qarsy 643 myń PTR-test zertteýi júrgizildi, dep habarlaıdy QazAqparat.
Oblystyq densaýlyq saqtaý basqarmasy qoǵamdyq densaýlyq saqtaýdy damytý jáne memlekettik baǵdarlamalardy monıtorıngteý bóliminiń basshysy Ermek Shmalıevtiń málimetine súıensek, Atyraýda táýligine 7 myńǵa jýyq zertteý júrgizý múmkindigi bar 12 PTR zerthanasy jumys istep tur.
«Atyraý oblysynda byltyrǵy naýryz aıynan beri 643 myń PTR-test zertteýi júrgizildi. Salystyrmaly túrde alsaq, óńirdegi turǵyndardyń sany – 655 957. Al, elimizdegi jan basyna shaqqanda júrgizilgen zertteýler boıynsha bul – eń joǵary kórsetkish. Qańtar aıyndaǵy ortasha táýliktik zertteý 3 856 testti quraıdy» Ermek Shmalıev.
Onyń aıtýynsha, bıylǵy qańtarda júrgizilgen PTR-test zertteýleriniń byltyrǵy jeltoqsanmen salystyrǵanda 29%-ǵa artqan.
Eske sala ketelik, buǵan deıin Teńiz kenishinde taǵy 51 jumysshy koronavırýs juqtyrǵan bolatyn.
