Koronavırýs: Atyraýda bir kúnde 2 192 adam vaktsına saldyrdy
ATYRAÝ. QazAqparat – Atyraý oblysynda bir kúnde 2 192 adam koronavırýs vaktsınasyna qarsy vaktsına saldyrdy, dep habarlaıdy QazAqparat.
Atyraý oblystyq densaýlyq saqtaý basqarmasy baspasóz qyzmetiniń málimetinshe, 36 statsıonarlyq jáne 10 jyljymaly vaktsınalaý beketi jumys istep tur. Bıylǵy 1 aqpan-4 mamyr aralyǵynda «Spýtnık V» jáne «Qazvac» vaktsınalarynyń I komponentin 35 835 adam saldyrǵan. Vaktsınanyń II komponentin 10 796 adam alǵan.
«Al, 5 mamyrda «Spýtnık V» jáne Qazvac vaktsınalarynyń I-komponentin 2 192 jergilikti turǵyn saldyrdy. Onyń ishinde 142 medıtsına qyzmetkeri, 231 pedagog, 20 polıtsııa qyzmetkeri, 19 stýdent, 17 jabyq mekeme ókili, 113 quqyq qorǵaý organdarynyń qyzmetkeri, 50 memlekettik qyzmetshi, sozylmaly aýrýy bar 16 adam, 1 584 jergilikti turǵyn bar» -dep habarlady basqarmanyń baspasóz qyzmetinen.
Eske sala ketelik, 4 mamyrda Atyraý oblysynda 31 myńnan astam adam vaktsına saldyrǵan bolatyn.
