Koronavırýs: Atyraýda 38 naýqas jansaqtaý bóliminde jatyr
ATYRAÝ. QazAqparat – Atyraýda koronavırýs ınfektsııasyn juqtyrǵan 38 naýqas jansaqtaý bóliminde jatyr, dep habarlaıdy QazAqparat.
Oblystyq Densaýlyq saqtaý basqarmasynyń baspasóz qyzmetinen málim etkendeı, óńirdegi 2 098 tósek-orynǵa eseptelgen ınfektsııalyq statsıonarlarda 596 naýqas emdelýde. Júkteme – 28,4 %.
«Infektsııalyq statsıonarlardyń 81 tósek-orny bar jansaqtaý bóliminde 38 naýqas emdelip jatyr. Naýqastardyń 5-eýi ókpeni jasandy jeldetý apparatyna qosylǵan.
Mundaǵy júkteme 46,9%-dy qurap otyr», -dep málim etti basqarmanyń baspasóz qyzmetinen.
Eske sala ketelik, buǵan deıin Atyraýda koronavırýs juqtyrǵan 24 naýqas jansaqtaý bóliminde jatqanyn habarlaǵan bolatynbyz.
