Koronavırýs: Atyraý turǵyndaryna 1300-ge jýyq test jasaldy
ATYRAÝ. QazAqparat – Atyraý oblysynyń turǵyndaryna koronavırýs ınfektsııasyn anyqtaıtyn test jasalǵan, dep habarlaıdy QazAqparat óńirlik kommýnıkatsııalar qyzmetine silteme jasap.
«Atyraý oblysy Densaýlyq saqtaý basqarmasynyń málimetinshe, jergilikti turǵyndar arasynda koronavırýstyń bar-joǵyn anyqtaý úshin 1300-ge jýyq PTR test jasalǵan. Onyń ishinde qaýipti indetti 29 adamnyń juqtyrǵany belgili boldy. Covid-19 dertine shaldyqqandarmen jaqyn baılanysta bolǵan barlyq tulǵaǵa PTR synaqtary júrgizilip, test qorytyndysy teris nátıje kórsetti» -dep habarlady óńirlik kommýnıkatsııalar qyzmeti.
PTR testterine negizdelgen dıagnostıka – adam aǵzasyndaǵy koronavırýstyq ınfektsııany anyqtaıtyn naqty ádis. Synama test vırýstyń RNQ fragmentterin anyqtaýǵa negizdelgen.
