Koronavırýs: Atyraý oblysynda vaktsınatsııanyń 1-kezeńi aıaqtaldy
ATYRAÝ. QazAqparat – Atyraý oblysynda vaktsınatsııanyń birinshi kezeńi aıaqtaldy, dep habarlaıdy QazAqparat.
Oblystyq Densaýlyq saqtaý basqarmasy baspasóz qyzmetiniń málimetinshe, reseılik «Spýtnık V» vaktsınasyn erikti túrde salýdyń birinshi kezeńi aıaqtalyp otyr.
«Atyraý oblysynda koronavırýs ınfektsııasyna qarsy vaktsınalaýdyń birinshi kezeńi 1-15 aqpan aralyǵynda júrgizildi. Osy maqsatta Atyraý qalasynda 16, al aýdandarda 8 oryn ashyldy. Alǵashqy kezekte vaktsınany medıtsına salasynyń mamandary aldy. Olardyń arasynda memlekettik qyzmetshiler de bar. Atyraý qalasynda 725, aýdandarda 273 adamǵa ekpe salyndy. Vaktsına alǵandar arasynda aýrýhanaǵa jatqyzý jaǵdaıy tirkelgen joq», - dep habarlady basqarmanyń baspasóz qyzmetinen.
Eske sala ketelik, budan buryn Atyraýda 12 kúnde 1 myńǵa jýyq adam vaktsına saldyrǵanyn jazǵan bolatynbyz.
