Koronavırýs: Atyraý oblysynda ótken táýlikte bir adam kóz jumdy
Oblystyq densaýlyq saqtaý basqarmasy baspasóz qyzmetiniń aqparatyna súıensek, ótken táýlikte – 7 qarashada qaýipti vırýsty juqtyrý deregi tómendep, 9 adamnan ǵana anyqtalǵan.
«Onyń ishinde Atyraý qalasynda Covid-19 ınfektsııasyna shaldyqqan 3, Teńiz ken ornynda 5, Jylyoı aýdanynda 1 naýqas tirkeldi. Koronavırýs ınfektsııasyn juqtyrǵan 1 adam qaıtys boldy. Sondaı-aq, qaýipti vırýstan 56 patsıent saýyǵyp shyqty» dep málim etti basqarmanyń baspasóz qyzmetinen.
Qazir úı jaǵdaıynda 181 adam em-dom alyp jatyr. Al, 730 tósek-orny bar ınfektsııalyq statsıonarlarda 159 naýqas (júkteme – 21,8%) oqshaýlanǵan.
Onyń ishinde modýldik aýrýhanada – 93, Teńiz ken ornyndaǵy statsıonarda – 39, aýdandardaǵy ınfektsııalyq statsıonarlarda – 23, al, №2 oblystyq aýrýhanada 4 patsıent em qabyldaýda.
«Infektsııalyq statsıonarlardaǵy 75 oryndyq jansaqtaý bóliminde jaǵdaıy aýyr 14 naýqas jatyr. Onyń ishinde jaǵdaıy óte aýyr 1 patsıent ókpeni jasandy jeldetý appartyna qosylǵan. Bul bólimdegi júkteme 18,7% qurap otyr», -dep habarlady basqarmanyń baspasóz qyzmeti.
Eske sala ketelik, budan buryn Atyraý oblysynda 369 naýqas koronavırýsten emdelip jatqanyn jazǵan bolatynbyz.
