Koronavırýs: Atyraý oblysynda naýryzda 95 myń PTR-test júrgizilgen
ATYRAÝ. QazAqparat – «Qyzyl» aımaqtaǵy Atyraý oblysynda bıylǵy naýryzda koronavırýs ınfektsııasyna qarsy 95 myń PTR-test júrgizilgen, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń málimetine súıensek, byltyrǵy naýryzdan beri júrgizilgen PTR-test sany 827 myńǵa jetip otyr.
«Qazir oblysta táýligine 8300 zertteý júrgizý múmkindigi bar 15 PTR zerthanasy jumys isteıdi. Onyń ishinde tek naýryz aıynda 95 myń PTR-test ótkizildi. Naýryz aıyndaǵy ortasha táýliktik kórsetkish – 3678 test» dep habarlady basqarmanyń baspasóz qyzmeti.
Eske sala ketelik, budan buryn Atyraýda jansaqtaý bóliminde jatqan 10 naýqastyń jaǵdaıy aýyr ekenin habarlaǵan bolatynbyz.
