Koronavırýs: Atyraý oblysynda 764 naýqas emdelip jatyr
Atyraý oblystyq sanıtarııalyq-epıdemıologııalyq baqylaý departamentiniń málimetinshe, ótken táýlikte qaýipti indetke taǵy 62 adam shaldyqqan.
Onyń ishinde 11 adam – Atyraý qalasynyń turǵyndary. Bularǵa qosa Jylyoı aýdanynda – 1, Qyzylqoǵa aýdanynda – 5, Mahambet aýdanynda – 5, Qurmanǵazy aýdanynda 1 adamnan Sovid-19 ınfektsııasy anyqtalǵan. Al Teńiz kenishinde koronavırýs juqtyrǵan 39 jumysshy tirkelgen.
«Covid-19 ınfektsııasy 20 naýqasta sımptomdy túrde ótýde. Sońǵy málimetke sáıkes, ótken táýlikte koronavırýs ınfektsııasynan 12 adam jazylyp shyqty» -dep habarlady oblystyq densaýlyq saqtaý basqarmasynyń baspasóz qyzmetinen.
Búginde 268 adam úı jaǵdaıynda emdelýde. Oblystyq ınfektsııalyq statsıonarda 100, aýdandardaǵy statsıonarda 16, Teńiz kenishindegi statsıonarda 380 adam em-dom qabyldap jatyr.
Eske sala ketelik, buǵan deıin Teńiz kenishinde taǵy 30 jumysshy koronavırýs juqtyrǵanyn jazǵan edik.