Koronavırýs: Atyraý oblysynda 30 naýqas jansaqtaý bóliminde jatyr
ATYRAÝ. QazAqparat – Búgin «sary» aımaqqa ótken Atyraý oblysynda qaýipti vırýsqa shaldyǵyp, jaǵdaıy nasharlaǵan 30 naýqas jansaqtaý bóliminde jatyr, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń málimetine súıensek, ınfektsııalyq statsıonarlarda 418 naýqas emdelip jatyr.
«Qazir óńirdegi 2 352 tósek-orynǵa arnalǵan ınfektsııalyq statsıonarlardaǵy júkteme 17,7% qurap otyr. Statsıonarlardaǵy 90 oryndyq jansaqtaý bóliminde 30 patsıent oqshaýlanǵan. Onyń ishinde jaǵdaıy óte aýyr 3 naýqas ókpeni jasandy jeldetý apparatyna qosylǵan. Bul bólimdegi júktemeniń úlesi – 33,3 paıyz» -dep málim etti basqarmanyń baspasóz qyzmetinen.
Eske sala ketelik, budan buryn Atyraý oblysy «sary» aımaqqa ótkenin habarlaǵan edik.
