Koronavırýs: Atyraý oblysynda 27 naýqas jansaqtaý bóliminde jatyr
ATYRAÝ. QazAqparat – Atyraý oblysynda koronavırýs ınfektsııasyn juqtyrǵan 27 naýqas jansaqtaý bóliminde jatyr, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmetinen málim etkendeı, jansaqtaý bólimindegi naýqastardyń 5-eýi ókpeni jasandy jeldetý apparatyna qosylǵan.
«Atyraý oblysyndaǵy ınfektsııalyq statsıonarlarda 524 naýqas emdelip jatyr. Statsıonarlardaǵy 2098 tósek-orynnyń júktemesi 24 paıyzdy quraıdy. Al jansaqtaý bólimindegi 81 tósek-orynnyń 33,3 paıyzy naýqastarmen toldy» -dep habarlady basqarmanyń baspasóz qyzmetinen.
Eske sala ketelik, buǵan deıin Atyraý oblysynda shekteý sharalary kúsheıtilgen bolatyn.
