Koronavırýs: Atyraý oblysynda 18 júkti áıel men 49 bala aýyryp jatyr
Oblystyq densaýlyq saqtaý basqarmasynyń baspasóz qyzmetiniń málimetine súıensek, ótken táýlikte – 3 qarashada qaýipti vırýsqa 19 adam shaldyqqan. Onyń ishinde Atyraý qalasynan 11 turǵyn, Teńiz ken ornynyń 4 jumysshy bar. Sondaı-aq, Jylyoı aýdanynda – 2, Inderde – 1, Isataı aýdanynda 1 adamnan koronavırýs ınfektsııasynyń belgisi tabylǵan.
«Qazir úı jaǵdaıynda 176 adam, ınfektsııalyq statsıonarlarda 181 naýqas emdelip jatyr. Óńirdegi modýldik aýrýhanada – 104, Teńiz kenishindegi ınfektsııalyq statsıonarda – 78, aýdandardaǵy ınfektsııalyq statsıonarlarda – 26, №2 oblystyq aýrýhanada 3 patsıent oqshaýlanǵan» -dep málim etti basqarmanyń baspasóz qyzmetinen.
Sondaı-aq, 18 júkti áıelden koronavırýs ınfektsııasy anyqtalyp otyr. Qazir 13 júkti áıel ınfektsııalyq statsıonarlarda oqshaýlansa, 5-eýi ambýlatorııalyq em-dom alyp jatyr.
Qaýipti vırýsty juqtyrǵan balalardyń sany – 49. Infektsııalyq statsıonarlarda 5 bala jatyr. Al, 44 bala ambýlatorııalyq emdelýge jiberilgen.
Eske sala ketelik, budan buryn Atyraýda koronavırýs juqtyrǵan 13 naýqas jansaqtaý bóliminde jatqanyn habarlaǵan bolatynbyz.