Koronavırýs: Atyraý oblysynda 1 780 oryndyq rezervtik tósek-oryn daıyndaldy
ATYRAÝ. QazAqparat – Atyraý oblysynda koronavırýs ınfektsııasyn juqtyrýshylar sany kúrt kóbeıdi. Osyǵan baılanysty 1 780 oryndyq rezervtik tósek-oryn daıyndaldy, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlikte «qyzyl» aımaqtaǵy Atyraý oblysynda 437 adam koronavırýs ınfektsııasyn
juqtyrdy. Qaýipti vırýsqa shaldyqqan naýqastardyń kúrt kóbeıýi rezervtik tósek-oryndar jasaqtaýǵa májbúr etip otyr.
«Atyraý oblysyndaǵy epıdemıologııalyq ahýal kúrdelenip barady. Qazir 646 adam úı jaǵdaıynda, 453 naýqas ınfektsııalyq statsıonarlarda hattamaǵa sáıkes em-dom qabyldap jatyr. Koronavırýs ınfektsııasyn juqtyrýshylar sanynyń kóbeıýine baılanysty
medıtsına mekemeleriniń bazasynda 1 780 adamǵa arnalǵan rezervtik tósek-oryn daıyndaldy. Mundaı rezervtik tósek-oryn Jylyoı aýdanyndaǵy Teńiz ken ornynda da
jasaqtaldy», -dep habarlady basqarmanyń baspasóz qyzmeti.
