Koronavırýs: Atyraý oblysy «sary» aımaqqa ótti

ATYRAÝ. QazAqparat – Búgin Atyraý oblysy koronavırýs ınfektsııasyn juqtyrýshylar sanynyń azaıýyna baılanysty «sary» aımaqqa ótti, dep habarlaıdy QazAqparat.

Atyraý oblystyq densaýlyq saqtaý basqarmasynyń baspasóz qyzmetinen málim etkendeı, sońǵy táýlikte – 20 qyrkúıekte 29 adamnan qaýipti vırýstyń belgisi anyqtalǵan. Onyń ishinde Atyraý qalasynda - 8, Jylyoı aýdanynda ornalasqan Teńiz ken ornynda 15 naýqas tirkelgen. Sondaı-aq, Qurmanǵazy aýdanynda 2, Maqat aýdanynda 1 adam koronavırýs ınfektsııasyna shaldyqqan.

«Korononavırýs ınfektsııasynyń tıisti sımptomy 11 naýqasta baıqalyp otyr. Al, 18 adamda vırýs belgileri joq. Ótken táýlikte koronavırýstan 209 adam emdelip shyqty.

Qazir úı jaǵdaıynda 1 367 adam em-dom qabyldaýda. Modýldik aýrýhanada – 117, al, №2 oblystyq aýrýhanada – 99, aýdandardaǵy ınfektsııalyq statsıonarlarda – 89,

ftızıopýlmonologııa ortalyǵynda 26 naýqas emdelip jatyr. Teńiz ken ornyndaǵy ınfektsııalyq statsıonarda 87 patsıent oqshaýlanǵan», -dep habarlady basqarmanyń

baspasóz qyzmeti.

Eske sala ketelik, buǵan deıin Atyraý oblysynda ınfektsııalyq statsıonarlardaǵy naýqastar 4 esege azaıǵanyn jazǵan edik.