Koronavırýs: Atyraý aýrýhanalarynda 7 ottegi stansasy jumys istep tur

ATYRAÝ. QazAqparat - Atyraý oblysynyń medtsınalyq uıymdarynda 7 ottegi stansasy jumys jasap tur, dep habarlaıdy QazAqparat Atyraý oblystyq densaýlyq saqtaý basqarmasynyń baspasóz qyzmetine silteme jasap.

Ortalyqtandyrylǵan ottegi stansasy buǵan deıin oblystyq perınataldyq ortalyqtyń bazasynda ǵana bolǵan.

Byltyr oblystyq kardıologııalyq ortalyq, oblystyq aýrýhana, Atyraý qalasyndaǵy jańa modýldik ınfektsııalyq aýrýhana, Qurmanǵazy jáne Qyzylqoǵa aýdandyq aýrýhanalarynda ortalyqtandyrylǵan ottegi stantsııasy jumysyn bastady.

Bıyl bul tizimge №2 oblystyq aýrýhananyń bazasynda jabdyqtalǵan stansa qosylyp otyr.

Oblystyq aýrýhana dırektory Erbol Imanǵalıevtiń aıtýynsha, stantsııalar avtomatty túrde basqarylyp, ózdiginen ottegi óndirip otyrady.

«Buǵan deıin aýrýhanada derbes ottegi tasymalyn júzege asyratyn núkteler bolǵan edi. Ózderińizge málim, jazdaǵy pandemııa órshigen tusta onyń ózi azdyq etti. Sol úshin aýa jetpeı qınalǵan ár naýqasqa ballon aparyp járdemdestik. Sonyń ózinde úlgermeı jatqan kezimiz boldy. Endigi kezekte ahýal ýshyǵa qalǵan tusta da ballon qajet bolmaıdy, stansanyń qýaty tolyqtaı jetedi»,- dedi Erbol Imanǵalıev.

Ottegi tsehy aýrýhanadaǵy kıslorod taratatyn 360 núkteni qamtamasyz etip tur.

Jaryq óship qalǵan jaǵdaıda qosymsha generator paıdalanylmaıdy. Óıtkeni, stansa óz qýaty men qysymyn úsh kúnge deıin ustap tura alady.

Qazirgi ýaqytta ınfektsııalyq statsıonarda koronavırýs ınfektsııasymen aýrýy asqynyp kelip jatqan naýqastar joq.

Ottegi aýrýhananyń jansaqtaý bóliminde ǵana paıdalanylýda.

Aıta keteıik, bıyl mundaı stansalar taǵy Inder aýdandyq aýrýhanasy men Qulsary qalasynda salynyp jatqan modýldik ınfektsııalyq aýrýhanasynda iske qosylady dep josparlanýda.