Koronavırýs: Armenııada tótenshe jaǵdaı rejımi taǵy bir aıǵa sozyldy

EREVAN. QazAqparat – Armenııa Úkimetiniń sheshimimen respýblıkada koronavırýsqa baılanysty naýryzda engizilgen tótenshe jaǵdaı rejımi taǵy bir aıǵa uzartyldy, dep habarlaıdy QazAqparattyń menshikti tilshisi.

Dúısenbi, 13 shildede Armenııa Úkimetiniń kezekten tys otyrysy ótti. Onda TJ rejımin taǵy bir aıǵa - 12 tamyzǵa deıin uzartý týraly sheshim qabyldandy. TJ rejımin uzartý týraly sheshim eldegi koronavırýs ınfektsııasynyń taralý uzaqtyǵyna, sondaı-aq oǵan qarsy turýdyń tıimdi tetikterin qamtamasyz etý qajettiligine negizdelgen.

Armenııa densaýlyq saqtaý mınıstrliginiń aýrýdy baqylaý jáne aldyn alý jónindegi ulttyq ortalyǵynyń málimetinshe, elde 32 151 adam koronavırýs ıınfektsııasyn juqtyrǵan. 19 865 patsıent saýyǵyp shyqsa, 11 530 naýqas em qabyldaýda. Qaýipti indetten 573 adam kóz jumǵan. COVID-19 dıagnozy qoıylǵan taǵy 183 patsıent ózge sebepterden qaıtys boldy.

Eske sala keteıik, Armenııada koronavırýs ınfektsııasyna baılanysty tótenshe jaǵdaı rejımi 16 naýryzda bir aıǵa engizilgen bolatyn. Keıinnen 13 sáýirde Armenııa úkimeti TJ rejımin 14 mamyrǵa deıin, sodan keıin eki ret - 13 maýsymǵa deıin jáne 13 shildege deıin uzartqan edi.

Avtor: Azamat Almaǵanbetov