Koronavırýs anyqtalyp, bazar jabyldy – Qostanaı oblysynda feık-aqparat tarady
QOSTANAI. QazAqparat – Qostanaı oblysynyń Arqalyq qalasynda koronavırýs anyqtalyp, bazar jabylyp jatqany týraly jalǵan aqparat taratqan áıel izdestirilýde, dep habarlaıdy QazAqparat.
Oblystyq Polıtsııa departamenti baspasóz qyzmetiniń málimetinshe, WhatsApp messendjeri arqyly Arqalyqta koronavırýs juqtyrǵan bir adamnyń tirkelgeni týraly aqparat taraǵan. Aýdıo-habarlamada vırýs juqtyrǵan áıeldiń qala bazarynda jumys isteıtini, saýdager taıaýda ǵana Bishkekke taýarǵa baryp kelgeni aıtylǵan. Sonymen qatar áıel qala bazarynyń, ashananyń jabylyp jatqany týraly aqparatpen bólisken. Polıtsııa bul habarlamada aıtylǵan derekterdi teriske shyǵardy.
Departamen qyzmetkerleri jelige jalǵan aqparat jibergen áıeldi izdestirip jatyr.
